Miss Tigidig
Si Binibining Pimpol ay maraming taghiyawat sa mukha. Miss Tigitig
ang laging tawag sa kanya sa opisina kapag nakatalikod siya. Dalamhati niya ito
sa araw-araw kung papaano niya ito malulunasan. Hanggang sa may nakapagmungkahi
sa kanya na subukan si Doktor Kagaw ng Barangay Bulutong.
Mabilis siyang nagtungo dito at lumuluhang sumangguni. Matapos ang ilang
tanungan ay nagbigay ng reseta si Doktor Kagaw kay Binibining Pimpol, upang
bilhin kaagad ito. Pagdating sa bahay, mabilis na ipinahid kaagad ang nabiling
gamot sa kanyang mukha. Ngunit makalipas ang isang araw na pahiran, walang
pagbabagong nangyari sa mga taghiyawat. Sa halip, nagsipamaga ang mga ito.
Lalong nagdalamhati is Bb. Pimpol, sumalampak sa sahig at nag-iiyak. Sa tindi
ng galit sa nagastos sa gamot at naging munting mga bulkan na resulta ay nagmamadaling
pumunta sa bayan. Nagpupuyos sa matinding galit.
Isang araw tumawag sa telepono si Doktor Kagaw, medyo magiliw at mahinay na nakikiusap, at
sinabing ang tsekeng ibinayad ni Binibining Pimpol ay tumalbog at hindi siya
nabayaran.
Ang pasinghal na sagot ni Binibining Pimpol, “Kasi, tumalbog din ang
ipinayo mong gamot sa mukha ko! Buwisit kah!”
Pasaring: Kapag
pogi ay kamukhá ko, at kung panget? “Teka muna… ibang usapan na ‘yan!” Ang may
pasinghal na sagot ng kausap ko, at mabilis na tumalikod at umalis. Iniwan AKO.
Bakit
kaya?
Lungsod ng Balanga, Bataan
No comments:
Post a Comment