Taguri ito kapag nais bigyang diin ang kahulugan ng pangungusap. Patungkol sa damdamin, pag-uugali, at kaganapan. Matalinghaga at hitik sa pahiwatig, subalit nailalarawang mabuti ang ibig tukuyin.Walang itong paligoy-ligoy, mabilis maunawaan, ito ang mga Parunggit. Bahagi ng ating wikang Pilipino na nakapagbibigay linaw sa anumang usapan.
1. Tiklop-tuhod -nagmamakaawa, buong pagpapakumbaba na humihingi ng pang-unawa
2. Sagad sa buto -matinding galit, poot na poot, nasusuklam
3. Takaw-laman -mapagnasa, mapag-imbot, walang kahihiyan
4. Ubos-lakas -matinding lakas, buong lakas, todo-todong lakas
5. Sising-alipin -ibayong pagsisisi, hindi makalimutang kasalanan, binabagabag
6. Todo-pasa -palaboy, padaskol-daskol na pamumuhay, basta makaraos
7. Silakbo ng dugo -nag-uumigting sa galit, nagngingitngit sa galit
8. Tulak-kabig -hindi makapagpasiya, nais ngunit ayaw, salawahan
9. Inis-talo -talunan, umayaw sa laban o usapan, bugnutin, hindi mapakiusapan
10. Labas-masok -pabalik-balik, paulit-ulit, abalang-abala
11. Bantay-salakay -ninanakaw ang binabantayan, hindi mapagkakatiwalaan
12. Huling-kabit -nahuli subalit umabot din, paningit
13. Lumang-tugtugin -paulit-ulit na kagawian, kadahilanan, gasgas na paraan
14. Abot-tanaw -nababanaagan na, nakikita na sa malayo, maliwanag sa paningin
15. Kapit-tangan -humawak ng mabuti, kumapit ng mahigpit, huwag bumitaw
No comments:
Post a Comment